Тыдзень беларускай мовы. Дзень чацвёрты

22 верасня 2022 года, у чацвёрты дзень Тыдня беларускай мовы, прайшлі тэматычныя віктарыны для навучэнцаў 1 курса. Юныя знаўцы спаборнічалі ў веданні мовы, літаратуры і ўвогуле культуры Беларусі. Да правядзення гульняў "Дзе логіка?", "Аматары беларускай мовы" і "Хто хоча стаць беларусам?" спрычыніліся навучэнкі 2 курса Казлоўская Анастасія, Сомава Алеся, Юневіч Варвара, Васілеўская Лізавета, Бульбо Яўгенія і Бойка Паліна, якія праявілі свае творчыя, педагагічныя і лінгвістычныя веды. Асалоду і карысць атрымалі ўсе ўдзельнікі віктарын. Найлепшыя і найактыўнейшыя гульцы былі адзначаны і атрымалі заслужаныя ўзнагароды.

Інфармацыю падрыхтавала старшыня цыклавой камісіі сацыяльна-гуманітарных дысцыплін Хадасевіч Г. М.