Наведванне выставачнага праекта "Дарога да міру"

29 лістапада навучэнцы курса 1-9 наведалі адкрыццё выставачнага праекта "Дарога да міру", прымеркавана да 80-годдзя вызвалення Беларусі ад нямецка-фашысцкіх захопнікаў і 80-годдзя Вялікай Перамогі.

Праект падрыхтаваны ў межах супрацоўніцтва паміж Дзяржаўным музеем гісторыі беларускай літаратуры і Дзяржаўным музеем гісторыі расійскай літаратуры імя У.І. Даля (г.Масква).

Героямі выставачнага праекта сталі пісьменнікі, якія прайшлі дарогамі вайны і пакінулі бясцэнныя літаратурныя сведчанні: Андрэй Платонаў, Булат Акуджава, Васіль Быкаў, Веніямін Каверын, Данііл Гранін, Алесь Адамовіч, Міхаіл Зошчанка, Віктар Астаф’еў, Віктар Някрасаў і Канстанцін Сіманаў.

Навучэнцы змаглі пазнаёміцца з дзевяццю аўтарскімі інсталяцыямі – прасторавымі вобразамі, дапоўненымі фрагментамі мастацкіх твораў і фактамі біяграфій пісьменнікаў, што дазволілі сфарміраваць новы пагляд на знаёмыя старонкі літаратуры і гісторыі.