Наведванне Беларускага дзяржаўнага музычнага тэатра.

            9 верасня 2025 члены факультатыву “Спадчына” наведалі Беларускі дзяржаўны музычны тэатр, дзе праглядзелі першы нацыянальны балет “Купалле”. Сюжэт балета заснаваны на беларускай народнай творчасці, традыцыях і славянскай міфалогіі. За яго аснову быў узяты славянскі абрад, у якім продкі пакланяліся магутным стыхіям вады, агню і землі. Дзеянне балета адбываецца ў купальскую ноч: пачынаецца на захадзе і заканчваецца досвіткам. Сюжэт ілюструе, як удзельнікі абраду праходзяць своеасаблівае ачышчэнне магутнымі стыхіямі. А таксама вызначаюць выбранніцу, якая прынясе ахвяру магутным стыхіям дзеля таго, каб жыццёвы цыкл працягнуўся.

            Трэба адзначыць высокую якасць пастаноўкі, прафесіяналізм артыстаў і прыгажосць дэкарацый і касцюмаў. Балет нам вельмі спадабаўся.

Матэрыял падрыхтавала Т.І. Доўнар